Архангел

Архангел биографија:

„Архангел се основани во февруари 1989. Оригиналната постава е: Ристо Вртев - водечки вокал и автор на музиката и текстовите; Драган Гиновски - гитара; Петар Јанков - бас гитара и Димитар Димовски - тапани. Благодарејќи на претходната репутација на Ристо Вртев (како еден од членовите на култниот Мизар) бендот веднаш привлече големо внимание...“ Повеќе на Lithium record.

Архангел - Молк



Архангел - (концерт) Скопје гори (26/05/2000 )



Дополнително:

• Интервју со Ристо Вртев - Архангел
• Архангел низ слики и зборови
• „Архангел“ се уште ја осветлува сивата македонска рок-сцена
• "Небесна машина" пред старт
• Рокенрол преродба со „Архангел“
• На „Архангел“ му треба нова музичка Библија

Дубиоза Колектив со концерт во Штип

Вечерва (29 јули 2013) со почеток во 20:00 часот, еден од најпознатите балкански музички бендови, Дубиоза Колектив ќе одржи бесплатен концерт во Штип на улица „Ванчо Прќе“ (едносмерната) како дел од снимањето на филмот „Лазар“.

Дополнително:

• Од Д фестивалот во Дојран ДУБИОЗА КОЛЕКТИВ пристигнуваат во Штип, I Love Stip
• Дубиоза Колектив на филм во Штип, Vo Stip

Не си го продавај Кољо чифликот - Бени Гудман

Македонскиот фолклор претставува непресушлив извор на инспирација, не само за македонските, туку и за светски познатите музичари. Меѓу оние кои што црпеле инспирација од делата на македонскиот народен гениј е и американскиот музичар Бени Гудман (Benny Goodman), познат како „кралот на свингот“ (King of Swing) кој во педесеттите или шеесеттите години од минатиот век ја има преработено македонската народна песна „Не си го продавај Кољо чифликот“.

За да ја слушнете верзијата на „Не си го продавај Кољо чифликот“ во изведба на Бени Гудман, кликнете на плеерот долу:

Информација преземена од: Стаматовски

„Што ми е мило“ во изведба на Die Irrlichter

Die Irrlichter е германска музичка група од околината на Бон. Групата зад себе има шест албуми и поголем број на учества на фестивали. Во неа членуваат Brigitta Jaroschek, Stephanie Keup-Büser,  Jutta Simon-Old, Jutta Tiedge и Daniela Heiderich.

На 13 август 2010 година тие, во нивен специфичен стил, ја имаат отпеано македонската народна песна „Што ми е мило“[1].

Доколку сакате да им изразите поддршка и благодарност, тоа можете да го направите на нивната официјална веб страна, преку контакт формата или пак на адресата kontakt[ат]die-irrlichter.de.

[1] Die Irrlichter - Sto mi e milo (live 2010): "beim "legendären Mittelaltermarkt" im Volkspark Kaiserslautern am Freitag, den 13. August 2010"

Скопје, битна дестинација на светската џез мапа

Во светот на џез музиката „Скопје“ е препознатлив не само по Скопскиот џез фестивал (Skopje Jazz Festival) кој што со своето долгогодишно опстојување од нашиот главен град и држава направи битна дестинација за овој вид на музиката, туку и по тоа што неколку светски џез музичари овој поим го имаат искористено како дел од името на нивната група и за назив на некои од нивните музички дела.

Џез групата "The Skopje Connection" (Скопската врска/Скопје конекшн) е основана во 2009 година од страна на италијанскиот менаџер и продуцент, и докажан пријател и промотор на Македонија, Енрико Блумер .[1]

Во групата членуваат македонските џез музичари Џијан Емин и Георги Шарески и врвниот италијански џез трубач Лука Аквино (Luca Aquino). Нивниот прв албум е насловен „Амам“ (Amam) и е снимен во скопскиот Чифте Амам.[1]

Вториот албум на групата се вика "The Skopje Connection meets Ernst Reijseger" (Скопје конекшн го среќава Ернст Рејсегер) и на него гостува познатиот холандски челист Ернст Рејсегер.[2]

По учеството на Скопскиот џез фестивал, францускиот музичар Анри Тексие (Henri Texier) заедно со својата група, во 1988 година го издаваат абумот насловен како  „Полковник Скопје“ (Colonel Skopje).[3][4]

Втората нумера од овој албум го носи истото име, како и главниот град на нашата република, a „Скопје“ е назив и на музичка нумера на индискиот музичар Трилок Гурту (Trilok Gurtu)[5], кој што исто така има учествувано на Скопскиот џез фестивал.[6]

Aлександар Стеванов, објавено на MKD-news.com

[1] „The Skopje Connection“, I, Macedonian, 16 декември 2010
[2] Љупчо Јолевски „Нов албум на Скопје конекшн“, Радио Слободна Европа

[3] "Hеnri Tеxier – Colonel Skоpje 1989" MP3 музика: That album was made after Henry’s visit in Skopje. He played on Skopje Jazz Festival in late ’80’s. So, he was inspired by something and he recorded that album, which is a real masterpiece
[4] "Colonel Skopje", I, Macedonian

[5] "Французинот кој го сака Скопје: Henry Texier Trio – The Scene Is Clean 2009" MP3 музика: The legendary Trilok Gurtu,who was on concert in Skopje in 1998 with his own group (plus with McLaughlin in 1991), was also inspired by Skopje. So, he composed a peace of music, called simply “Skopje”

[6] „Скопскиот џез саем“, giveko.mk: „Низ фестивалот, за овие три децении, продефилираа окулу 300 бендови и окулу 2000 музичари, буквално од сите континенти, што е импозантна бројка со која ретко кој актуелен фестивал,барем околу нашево опкружување, може да се пофали.Тоа е околу квантитетот, а ова е квалитетот: Chick Corea, Stanley Clarke, Lenny White, John Mc Laughlin, Trilok Gurtu...“

Colonel Skopje

Henri Texier (Анри Тексие) е француски џез музичар, роден на 27 јануари 1945 година во Париз.[1] Покрај останатите, тој со својот бенд "Transatlantik Quartet" (Трансатлантик квартет) [2] е автор на албумот од 1988 година, кој што го носи за нас Македонците интересното име "Colonel Skopje" (Полковник Скопје).[3]

Овој албум го добива името по главниот град на Македонија, Скопје, а причината за тоа веројатно е силниот впечаток кој што градот го има оставено кај Тексие, при неговото учество на Скопскиот џез фестивал во доцните осумдесети години.[4][5]

Сликата од албумот е со воено лице, веројатно полковникот Скопје, а во позадина е видливо (модифицирано) југословенско знаме (Македонија во тоа време сè уште е дел од федерацијата).

Втората нумера од овој албум е насловена "Skopje" (Скопје).[3]

[1] Uncle Dave Lewis "Henri Texier", allmusic
[2] Alex Henderson "Colonel Skopje", allmusic : Steve Swallow on electric bass and John Abercrombie on electric guitar; rounding out the lineup are saxophone explorer Joe Lovano (who is also heard on flute) and Italian drummer Aldo Romano.
[3] Alex Henderson "Colonel Skopje", allmusic
[4] "Hеnri Tеxier – Colonel Skоpje 1989" MP3 музика: That album was made after Henry’s visit in Skopje. He played on Skopje Jazz Festival in late ’80’s. So, he was inspired by something and he recorded that album, which is a real masterpiece
[5] "Французинот кој го сака Скопје: Henry Texier Trio – The Scene Is Clean 2009" MP3 музика

Дополнително:
Тина Иванова „Провокативни ансамбли на отворањето на Џез-фестивалот“, Утрински весник: „Втората вечер на Скопскиот џез фестивал протече во позагреана атмосфера, со поголем број на публика. Посетителите имаа можност да ги проследат концертите на "Анри Тексие Трио" од Франција...“

Скопската врска

На фејсбук страницата за најдобар промотор на Македонија, случајно го забележав следниот коментар: „Не ми е потребна никаква награда, јас ја промовирам Македонија од моментот во кој ја открив вашата прекрасна земја :)“. Тоа беше коментар од Енрико Блумер, менаџер и продуцент од Италија.

Ми стана интересно. Зошто некој човек од Итaлија би сакал да ја промовира Македонија? Која е поврзаноста? Тој беше доволно љубезен за да го одговори тоа и нешто повеќе:

„Еден од моите основни интереси во сферата на музиката е џезот, и тоа како промотор и организатор. Во 1987 година, во Италија јас бев еден од основачите на асоцијацијата Европска Џез Мрежа. Бев член на бордот на директори кога вo 2007 година добивме молба за членство од Оливер Белопета за Скопскиот Џез Фестивал. Бев задолжен за интервјуирање на луѓето кои ги доставуваат молбите па затоа истата година се сретнав со Белопета во Амстердам.

Пред оваа средба не знаев ништо за Скопје и Македонија, освен тоа што кога имав 8 години слушнав за земјотресот бидејќи синот на мојот заболекар кој патувал низ Скопје, загинал таа ноќ.

Скопскиот Џез Фестивал беше примен во асоцијацијата и Оливер Белопета ме покани во Скопје за фестивалот. Мојот прв впечаток за градот беше многу силен. Стигнав на плоштадот Македонија два дена по смртта на Тоше Проески. Илјадници луѓе од сите возрасти се молеа на колена и палеа свеќи. Никогаш во животот не бев видел такво нешто. Веднаш се вљубив во луѓето од Македонија, чувствувајки ја и јас истата болка.

Наредните неколку дека запознав многу луѓе и се стекнав со нови пријатели. Повеќето беа музичари но имаше и од други професии. Го посетив целиот град вклучително и старата скопска чаршија. Почувствував некаква посебна атмосфера во Скопје. Насекаде имаше пријателски луѓе, луѓе кои сè уште сакаат да поминат време за дружење со други луѓе. Нешто што во мојата земја, а посебно во мојот крај - јас сум од Бергамо, северна Италија - е исчезнато. Сретнав многу млади луѓе со голема култура, свежи идеи и желба за создавање на нови нешта.

Се вратив повторно во 2008 година и решив да започнам нешто со што би ја прикажал Македонија и Скопје во странство, барем што се однесува до мојата област. Па во февруари 2009 година, пристигнав во Скопје со еден од најдобрите италијански џез трубачи и го ставив во група заедно со Џијан Емин и Георги Шарески.

Коста Мартиновски, директорот на Чифте Амам, ни даде дозвола да снимаме во оваа неверојанта, стара градба. Тоа беше волшебна ноќ и во таа ноќ албумот наречен Амам беше роден. Потоа го нареков триото The Skopje Connection (Скопската врска), го издадов компакт дискот и почнав да го дистрибуирам ширум светот.



Истата година, конечно добив покана од Европскиот Џез Фестивал наречен 12 поени (12 point) за Георги Шарески Квартет. Тоа е фестивал за млади музичари, 12 групи кои претставуваат 12 различни земји од Европската Унија. Всушност не беше баш лесно да се убеди организторот, бидејки Македонија не беше и сè уште не е земја членка на ЕУ. Но се согласија со мене дека би бил добар сигнал за политичарите и добра можност да се прикажат македонските уметници на натпревар во ЕУ. Настапија со голем успех во Норвешка, минатата година во Март.

Исто така имаше некои проблеми за да ги убедиме да го користат името Македонија, наместо БЈРМ. Истиот проблем го имав со сајтот на Европската Џез Мрежа, но на крај сите се согласија со мене дека треба да ја викаме вашата земја користејки го името што вие и вашата Влада го користите. Поради ова добивме многу непријатни електронски пораки од Грција, потпишани со „Грчки државјанин“. Нема потреба да се дава одговор...

Оваа година соработував со новинарот Бранка Костиќ Марковиќ, моја добра пријателка за правењето на документарецот за Александар Стефаноски, првиот пејач од Македонија кој настапил во Миланската Скала (Teatro La Scala). Документарецот се емитуваше на телевизија Телма.

ОК, се извинувам за моето подолго пишување, но кога зборувам за Македонија не можам да се сопрам! Најдобри желби Енрико“

За англиската верзија кликнете овде!

The Skopje Connection

On the Facebook page for Best promoter of Macedonia, I saw this comment : "I don't need any award, but I'm promoting Macedonia since the first time I discovered your great country :)" It was from Mr. Enrico Blumer, a manager and producer from Italy.

I found that interesting. Why would a man from Italy want to promote Macedonia? What is the connection? He was very kind to answer that, and something more:

"One of my principal interest in the music field is mostly jazz, as promoter and organizer. In 1987 in Italy I was one of the co-founders of an association called Europe Jazz Network, now established in Paris. I was a member of the Board of Directors of this association, and in 2007 we received a membership application from Oliver Belopeta, for Skopje Jazz Festival. I was the delegate to interview the people who presented new applications, therefore I met Oliver in Amsterdam the same year.

I didn't know anything about Skopje and Macedonia before this meeting, except that, when I was 8 years old, I knew about the earthquake because my dentist's son died in Skopje that night, as he was there just by chance during a travel.

Skopje Jazz Festival became a member of the association, and Oliver Belopeta invited me in Skopje for the festival. My first impact with the city was very touching for me. I arrived in Macedonia Square in the evening, two days after Tose Proeski died. Hundreds of persons of every age were on the ground, on their knees, praying and lighting candles. I had never seen something like this before. I felt in love with Macedonian people immediately, feeling the same pain.

During the following days, I met a lot of people and I got several new friends, mostly musicians but not only. I visited the city, including the old bazaar. I felt a very special atmosphere in Skopje. Friendly people everywhere, people who still like to spend time in relationships with the others. Something that in my own country, mostly in my area - I'm from Bergamo, Northern Italy - has vanished. And a lot of young people with vast culture, fresh ideas and will to create new things.

Well, I came back in 2008 and I decided to start something to help to show Macedonia and Skopje abroad, at least in my field. So, on February 2009 I arrived in Skopje with one of the best Italian jazz trumpeter and I put him together with Dzijan Emin and Georgi Sareski.

Kosta Martinovski, the director of the Cifte Amam, gave us the permission to record a cd inside this amazing, ancient building. Was a magic night, and that night the album called Amam was born. Then, I called the trio The Skopje Connection, I published the cd, and started to distribute it worldwide.

The same year, finally I obtained an invitation for Georgi Sareski Quartet by an European jazz festival called 12 points. It's a festival for young musicians, 12 bands representing 12 different EU countries. Actually, it wasn't so easy to convince the organizer, because Macedonia wasn't, and still is not, in the EU. But they agreed with me that it could be a good signal for politicians and also a good occasion to show Macedonian artists in an European contest. They played with a great success in Norway, last year in March.

There was also some problem to convince them to use the name Macedonia instead of FYROM. The same problem I had with Europe Jazz Network's Website. But at last everyone agreed with me that we had to call your country with the same name that your people and your Government use. Because this, we received some very rude Emails from Greece, with the signatures "a Greek citizen". No necessity to give any answer...

This year I collaborated with the journalist Branka Kostic Markovic, a dear friend of mine, to make a documentary in Milan about Aleksandar Stefanoski, the first singer from Macedonia playing at Teatro La Scala. The documentary appeared on Telma TV.

Ok, sorry for my long writing, but when I talk about Macedonia I cannot stop! My best wishes. Enrico"

For the Macedonian Verzion click Here!

Kultur Shock

Три песни од групата Kultur Shock во кои се вметнати делови од македонски народни песни.

Romana

Со дел од македонската народна песна "Македонско девојче"



Благуно, дејче

Препев на македонска народна песна "Благуно, дејче"



Wild Wedding

Со дел од македонската народна песна "Сторил ниет зајко"

Доколку и вие сакате на вашиот блог да поставите само аудио, без видео (како трите горни примери) од некој видеоклип на Јутуб, кликнете овде!

Music Idol

Кога за првпат разбрав дека Music Idol доаѓа во Македонија бев пријатно изненаден. Немав баш ништо против што се работи за Бугарскиот идол. Мала земја сме ние, а и други слични шоуа (Операција триумф) иделе овде и барале таленти па се испаднало супер. Се надевав дека вакво шоу би не помирило соБугарите па затоа и не го подржав протестот. Мислев дека луѓето од бугарскиот идол се професионалци. Мислев ги интересира само гледаноста и бојата на парите. Мислев дека ќе има само музика и забава, а не фашистичките тези дека сме ист народ... Ама не бев во право.

1. Самото тоа што музичкото шоу се вика Music Idol Бьлгария имплицира дека и Македонија е бугарска земја, а ние сме Бугари.

2. Еден од водителите (мислам Иван) рече дека Бугарија и Македонија веќе 100 години се одделни земји. Се е тоа ОК ама требаше да каже колку тоа време сме биле заедно и под какви услови сме биле заедно.

3. Бугарската пејачка што живее овде - Лили и нејзиниот сопруг кој патем кажано бил црногорец со години лебот го заработуваат овде, а сеа за никаква причина (да те има 2 минути на ТВ) ги навредија сите Македонци со тоа што рекоа дека сме еден народ во две држави. Со други зборови го збришаа целиот македонски народ што не е ништо друго туку геноцид. Да не беше ова, се друго некако ќе поминеше. Ама кога некој во главниот град на Македонија кажува дека сите Македонци се Бугари е навреда на која не мислам дека некој Македонец би останал рамнодушен.

4. Македонија те Скопје беше прикажана најлош можен начин. Наместо неговите убавини каков што беше случајот со бугарските градови прикажани предежно грди работите - ѓубре, несоодветни графити, градби пред распад... нашминкани со измислена југоносталгија.

Бугарски идол во Македонија - прв и ПОСЛЕДЕН ПАТ!