Од кои земји македонските FB корисници имаат најмногу пријатели?

Сте се запрашале ли некогаш, покрај своите сограѓани, кои се најчестите FB пријатели на македонските FB корисници?

Доколку можеби ве интересира, одговорот на тоа прашање е следниот:

1. Србија

2. Албанија

3. Швајцарија

4. Босна и Херцеговина

5. Бугарија 

За повеќе детали посетете ја веб страницата www.facebookstories.com.

Greek - Macedonian friendship, FB група

Ви ја претставувам FB групата „Грчко-македонско пријателство“ наменета за сите оние кои што мислат дека Македонците и Грците сепак можат да бидат пријатели.

Image by Angelos Pappas

И покрај разликите кои што можат да постојат меѓу членовите, сепак, за разлика од официјалната политика на нашиот јужен сосед, во групата е признаено уставното име на нашата татковина Република Македонија како и придавката „македонски“.

FB група „Грчко-македонско пријателство“

Македонско шеснаесетзрачно сонце - Facebook Timeline Cover

Facebook Timeline Cover слика со симболот македонско шеснаесетзрачно сонце (т.н. Сонце од Кутлеш/Вергина)

Извор на сликата: Македонско сонце (со модифицирани димензии за да одговара на потребните димензии за Facebook Timeline Cover слика)

Архивирање на македонски документи

Апел од редакцијата на FB страната „Македонци“ со цел собирањe и архивирање, на едно место, на значајни документи за Македонија и Македонците. Доколку поседувате фототипи од книги или весникарски статии за Македонија, или пак било што што би можело да ја збогати нивната архива, пратете им го на посочената електронска пошта или преку порака на самата FB страна.

„MK - Редакцијата на ФБ страната Македонци заедно со порталите Makedonika и Macedonian Truth ве замолува да учествувате и помогнете во промоција на една сериозна идеја која ке има за цел преку архивирање на македонски документи да ги покрене аргументите за Македонија на поширока група на луѓе во и надвор од границите на Македонија.

Се надеваме дека со ваша помош ќе креираме една голема македонска историска архива во која ќе бидат презентирани стотици фотостории на документи од македонската историја кои ќе ја рефлектираат македонската егзистенција векови наназад низ минатото.

Доколку некој од вас поседува било каков документ, книга, статија, или друг релевантен податок во кој се илустрира македонското битие низ историјата или денес, за истиот да биде процесуиран и промовиран ве замолуваме да го публикувате на овој Фејсбук профил, или најдобро за да се задржи неговиот квалитет истиот да ни го испратите на мејлот: stefanovmartin(ат)hotmail.com“

На англиски:

"EN - The Editorial Board of the facebook page MACEDONIANS together with the web portals Macedonian Truth & Makedonika asks from all of you to participate and help us promote a serious idea aimed at the archiving of documents of macedonian historical value for the goal to raise the arguments for Macedonia on a wider group of people inside and outside Macedonia.

We hope that with your help we all together will create a large Macedonian historical archive - database, that will be presented with hundreds of photos of documents from the Macedonian history, that will reflect the Macedonian existence through many centuries in the past.

If any of you have in possession any document, book, article, or other relevant data which illustrates the Macedonian being through the history or today, for it to be considered and promoted we kindly ask from you to publish this thread here on our Facebook profile, or best to maintain its quality send us on our mail: stefanovmartin(ат)hotmail.com"

Врска до архивата - Macedonian Documents

Како да се откажете од Фејсбук?

Доколку сте Фејсбук зависници и мислите дека единствениот можен начин за да се откажете од него е ако го продадете компјутерот, имаме добри вести, постои и друго решение.

Со намера својата четиринаесет годишна ќерка да ја оттргне од социјалната мрежа, Пол Бајер (Paul Baier), решил тоа да го направи со договор.[1]

Доколку Рејчел Баиер (Rachel Baier) го деактивира својот Фејсбук профил и во текот на неполни пет месеци[2] ниту еднаш не се вклучи, според договорот од 4 февруари, таа од својот татко ќе добие ни помалку, ни повеќе туку рамно 200 американски долари[3]. Најинтересен дел од овој невообичаен договор е дека не бил по идеја на таткото туку на неговата ќерка, а за да разбереме дали Рејчел ќе ги добие парите, сепак ќе треба да се стрпиме до 26 јули, кога договорот истекува.

Всушност случкава ме потсети на тоа дека во 2000-2001 година и јас имав слично искуство. Бидејќи премногу време поминував пред монитор, со дедо ми направивме (неформален) договор, за ако успеам да издржам еден месец без воопшто да го вклучувам компјутерот, како награда да добијам 500 денари... Издржав :)

[1] Dad Pays Daughter $200 To Quit Facebook, The Blog Herald (James Johnson), 07/02/2013

[2] Од 04/02/2013 до 26/06/2013
[3] На две рати. Првата од 50 долари на 15/04/2013 и втората од 150 долари на 26/06/2013

Внимавајте кому му давате лајк

На порталот MKD-news.com, во написот „Ќе добијат илјадници лајкови и после ја продаваат фејс страната – еве кому давате лајк“, кој што е објавен вчера (22/02/2013 13:30), се тврди дека корисниците на Фејсбук сè почесто на своите ѕидови добиваат реклами кои немаат никаква врска со оригиналната содржина на страницата, од страниците кои што ги имаат лајкувано без да бидат свесни дека се продадени (или изнајмени).

Во написот ова тврдење е илустрирано со пример од соседна Србија, FB страната на Нови Сад, која што на своите над 90 000 фанови наместо да им пушта објави за градот, ги бомбардира со реклами за туристичка агенција. Всушност ваквата појава може совршено добро да се илустрира и со бројни македонски примери.

Нешто повеќе за тоа можете да прочитате во написите  „Профитерство зад маската на патриотизмот“ и „Силиконски патриотизам 2. дел“.

Вакви понуди за купување или продажба на FB страници продолжуваат да стигнуваат во поштенското сандаче на FB страницата Македонци. Еве еден свеж пример:

Macedonian Time Travel

Почитувани читатели на овој блог, ве поканувам да кликнете „ми се допаѓа“ на FB страната посветена на македонското минато "Macedonian time travel".

Со оваа страна, како со временска машина, преку фотографија и текст ќе можете да видите како нашата татковина Македонија изгледала во поблиското и подалечното минато.

Македонски FB случувања

Уште една потврда за посветеноста и квалитетот на FB страната Македонци, за која што претходно во повеќе наврати пишував на блогов*, е написот „Независна Македонија во 1933 – ФОТО/ ВИДЕО“, објавен вчера (07/01/2013 17:07) на порталот MKD-news.mk.

Страната Македонци е исклучително позитивен пример за тоа како FB успешно да се искористи за промоција на Македонија и патриотизмот.

Вчера се случи уште еден интересен, иако немил, настан во врска со оваа FB група.

Имено, според нејзини зборови само затоа што споделила документ од страната Македонци, FB корисникот Македонка засекогаш, стана објект на лично омаловажување од веројатно админ на FB страната Кутлеш, а не Вергина.

Дел од разменетите приватни пораки:

12:52am Macedonian Makedonski Phoenix
ama zs ne spodelvis nisto od kutles a ne vergina? a spodelvis od drugi stranici ? vaka ke se pomagame za makedonija ? sramota !

1:14am Македонка Засекогаш
што да споделам од кај тебе кога ти објавуваш од дневни работи и гледам исто што и јас, кога најдувам нешто интересно споделувам од било кој не гледам од чија страна е ниту па преферирам нечија страна важно ми е квалитет, документ да е

1:16am Macedonian Makedonski Phoenix
znaci ne sme kvalitetni za tebe ... aha fala mn

1:17am Македонка Засекогаш
абе гледаш ли дека цела страна ти е со дневни вести исто како кај мене, кога имаш документ споделувам

1:18am Macedonian Makedonski Phoenix
abe sedi ziti se

1:18am Македонка Засекогаш
ова денес што го презедов од Македонци е документ

1:18am Macedonian Makedonski Phoenix
demek ti si broj eden

1:18am Македонка Засекогаш
не го видов кај тебе кој ти рече тоа што измислуваш

1:18am Macedonian Makedonski Phoenix
ma pusi k*r

1:18am Македонка Засекогаш
расположен за кавга? јас не срам да ти е

1:18am Macedonian Makedonski Phoenix
od takvi makedonci preku k*r tebe da ti e so dokumenti i lazni

Поради тоа што Македонка засекогаш, споделувала написи и слики од FB страната Македонци, а не и од Кутлеш а не Вергина, со намера да ја дискредитираат ја прогласија за УДБаш и предавник.

За среќа голем број од оние кои што ја видеа објавата, прокоментираа во заштита на Македонка засекогаш, односно во заштита на вистината.

*FB страна „Македонци“, 27 декември 2012; My name is Macedonia, 27 ноември 2012; Профитерство зад маската на патриотизмот, 27 октомври 2012

FB страница „Македонци“

Доколку досега не сте кликнале „ми се допаѓа“, на FB страната „Македонци“, ве поканувам тоа да го направите сега - КЛИК!

За нивната објективност и непристрасност, ќе цитирам еден напишан на оваа страна коментар (О.М.):

„Од сите страни и пријатели што ги имам на фб, кои што имаат одлики на патриотски страни или што ја имаат Македонија во својот опис и кои што дадоа информации и мислења во врска со денешниве т.е. веќе вчерашните настани вие, комити и мак.тифо сцена, имавте најправилни осуди и мислења. Другите сите беа анти СДСМ т.е. ВМРО, и обратно, е баш тука се гледа кој навистина ја сака својата таковина и кој е прав патриот, и кој направил група од љубов спрема државава. Секоја чест, правилна осуда според мене на овие настани денес е дека и двете страни се криви и се им е интерес за власт. Уште еднаш браво, ви симнувам капа.“

Deutsch - Mazedonische Freundschaft

За сите вие кои што на било кој начин сте поврзани со Македонија и Германија или пак ги сакате овие две земји, ви ја претставувам FB страната „Германско-македонско пријателство“.

Доколку сакате постојано да добивате вести за двете земји*, едноставно кликнете „ми се допаѓа“ на следнив ЛИНК.

*Коментарите некогаш се на македонски, а некогаш на германски јазик, а информациите првенствено се однесуваат на Македонија.

Не! - за промена на името на Република Македонија

Не! - за промена на името на Република Македонија. Аватар, две Facebook Timeline Cover слики и банерче.

Документи за македонската историја

Доколку се интересирате за историјата на нашата татковина Македонија, ви препорачувам да кликнете „ми се допаѓа“ на страната „Документи за македонската историја“, една од најдобрите FB страни од овој тип.

My name is Macedonia!

На FB страната Македонци од пред некое време започната е една креативна иницијатива против промена на името на Македонија.

„Моето име е Македонија. Не ме Фиромирај Никогаш нема да го променам моето име. Македонија, Македонци, Македонско, Само тоа прифаќаме.

Доколку не се согласувате со промена на името на Македонија. Доколку не сакате да ве Фиромираат. Доколку сте против било какви преговори за името и идентитетот на нашата држава. Пратете ни ваша фотографија. Ќе ја обработиме и ќе ја ставиме во посебен албум “Против Промена на Името Македонија“. Слики и пораки во ПП (приватна пошта) на нашата страна.

Доколку и вие сте против промена на името на нашата татковина, можете да им пратите своја фотографија на која тие би го аплицирале текстот. Еве два примери:

 

Силиконски патриотизам 2. дел

Кога на „гордите Македонци“ ќе им се присака:

Македонија во 2013 со порно пребарувач. Навалете „патриоти“!

Кузман Мато

„Криво ми е затоа што на сите овие патриотски страници им помагавме да соберат пријатели, а тие наместо патриотски теми ставаат сè и сешто... Треба сите да ги напуштиме не нè заслужуваат!“

Македонка Засекогаш

Профитерство зад маската на патриотизмот

FB страни со македонски патриотски називи, удобно затскриени зад македонското име, сè почесто споделуваат врски кон написи поврзани со српски квазипејачи, голотија, убиства отаде океанот и купишта други теми кои што немаат апсолутно никаква врска со Македонија и со Македонците.

Принтскрин Кузман Мато

Во врска со ова пред неколку дена (2 октомври), впечаток ми остави коментарот на Pedro Nésquez, оставен на FB страната „Бев Сум и Секогаш ке бидам горд МАКЕДОНЕЦ“:

„Дај почнете да објавувате приоритетни објави, 99% од страната нема врска со Македонија! На денешен ден на пример беше битката кај Гавгамела 331 ПНЕ, 40 000 Македонци против 250 000 Персијци, нешто што вреди да се објави на пример. Доста е веќе: "Дали има будни Македонци; Ајде да се преброиме колку Македонци не има", и тн. Знам, ќе речите: "Ако не ти се допаѓа страницата можиш слободно да излезиш". Не е работата да излезам или да зборам нешто за инает. Не го сфаќајте ова како навреда, туку како критика, како администратори треба да имате почит за мислењето на другите. Имате 140 000 обожаватели, погрижете се да добијат што повеќе едукација за Македонија, а не објави за Ана Николич, Џастин Бибер и тн.“

Зачетоците на феноменот профитерство зад лажен патриотизам на FB ги имам забележано уште во декември 2009 година, а тоа го имам соопштено и во вид на напис токму на овој блог:

„Пред некој ден на Facebook ми стигна порака којашто идеше вака некако: Доколку сакате да помогнете Македонија да го зачува своето име и идентитет поканете ги вашите пријатели да се вклучат во групата. Е шо толку ќе помогнат ако се зачленат. Демек собери милион члена и оп идентитетот си се зачувал.“

Дека добиле повеќе понуди FB страната да биде купена, обелодени администрацијата на „Македонци“. Но за разлика од некои други „патриотски“ страни кои на ваквите понуди имаат одговорено позитивно, одговорот на „Македонци“ е достоен за нивниот назив:

„Бидете спокојни бар ние не ве продаваме за објави од цицки, газови, рекламации спамови и тролувања од какви веќе не агенции, објави за персоналниот живот на Ана Николиќ, Џастин Блибер, Ким Кардашијан кој и да е.

Сите они почнаа наводно за да ги презентираат убавините и вредностите на Македонија, но сите ве продадоа а ништо не презентираа.

Ние не се продаваме и повеќе не нè замарајте со глупи понуди.

Наша основна цел била, е, и ќе остане вистинска промоција и презентација на културните, историските, духовните, националните, природните, и сите други вредности на нашата татковина.

Од се срце благодариме на вашата искрена подршка.“

Принтскрин „Македонци“

Упатувам апел до сите читатели на блогов да не давате подршка (Like) на оние FB страни кои што преку недолични објави кои немаат врска со Македонија го валкаат македонското име.

Австриско-македонско пријателство

Станете фан на новата FB страна со голем потенцијал „Австриско-македонско пријателство“ (Österreichische - Mazedonische Freundschaft) и бидете информирани за сите новости поврзани со двете земји и двата народа.

Eine Seite die als Ziel hat Österreicher und Mazedonier näher zu bringen.

Страна која си има поставено за цел зближување на Австрија и Македонија.

Ден на жалост - 14 април 2012

Facebook профил слика и timeline cover слика за денот на жалост поради грозоморното убиство на петте Македонци во близина на скопското село Смиљковци.
Кликнете на сликите за целосен размер!


Дозволено е слободно превземања на сликите и нивна адаптација по потреба. I-Macedonian.Blogspot.com

Facebook timeline cover photo

Facebook профил слика и timeline cover слика, изработени врз база на плакат за протест против промена на името на Македонија:
Кликнете на сликите за целосен размер! Click to enlarge! Изработил А.С.

Сликите се слободни за преземања. I-Macedonian.Blogspot.com

Facebook патриотизам

Пред некој ден на Facebook ми стигна порака којашто идеше вака некако: Доколку сакате да помогнете Македонија да го зачува своето име и идентитет поканете ги вашите пријатели да се вклучат во групата. Е шо толку ќе помогнат ако се зачленат. Демек собери милион члена и оп идентитетот си се зачувал. Колку шо глеам повеќето ги прават овие групи од шо немат попаметна работа. Има цела дузина групи да најдеме 10 000 Македонци на Facebook, да најдеме 100 000 и тако даље разбираш. А тие пак што се зачленуваат во ваквите групи понекегаш и сами не знаат зошто се зачленуваат. Имаше група имиња и презимиња на Facebook напишани на кирилица. Дали една третина од нејзините членови имаа имиња и презимиња напишани на кирилица. Ќе земам да направам група Топ лузери од Македонија и гарант ќе најдам неколку стотки коишто ќе се зачленат.

И коа човек ќе отиде на една таква патриотска група за зачувување на национален идентитет и име 90 поценти од коментарите се изблици на едипов комплекс и јавно онанирање на мајка Македонија. Во нив речиси и нема ништо друго освен псевдопатриотско чукање в гради со излитени слогани: Македонија вечна, името не го даваме, а некои преминуват и во нацизам: смрт на предавници, на душманите семето да им се сотре, ко тие да одлучуваат кој каков статус треба да има. И шо е најважно речиси сите вакви патриотски коментари ко по правило се напишани на латиници и без никакви граматички правила, како што во еден коментар напиша Беличанец: апсурдно е тоа што колку помалку си го познаваш македонскиот јазикот толку повеќе ја сакаш Македонија.

И се ќе беше ОК доколку истите тие направеа нешто практично за Македонија или пак беа спремни да помогнат при некој иницијатива. Пред еден месец за една иницијатива беа потребни по неколкумина луѓе од десетина македонски градови. И каде е најдоброто место да се најдат патриоти освен на една патриотска Facebook група. И кој е највечи патриот од свих патриота, се знае основачот на една таква група. Му пратив порака до каде е спремен да иде иде со работите што ги пропагира. И веднаш ми стигна порака полна со ентузијазам "До смрт за Македонија брат, до смрт!" Му пишав дека не се бара од него да умира за Македонија, а само да одвои по некој сат во продолжение на една седмица и како горе долу би се одвивала иницијативата. Изгубив саат време договарајќи и коа требаше да се почне со работа ми врати порака дека нема да учествува, се поболел кутриот од грип. Бреј и грипот е против патриотите или можда се поболел од што нејќел да се бори до смрт за Македонија ко шо ми беше пишал.

Јас сум ти највечи патриот жими Грците. Поголем Македонец сум од сите Ескими собрани заедно. Не бе стварно ви викам ниедно џуџе во Македонија не е поголем Македонец од мене. Толку голем патрит сум шо и латиницата ја напраив македононско писмо. Јбг. Зборот патриот во мојата свест полека но сигурно станува валкан збор.

Имиња на кирилица - Facebook група

Македонски имиња и презимиња пишани на кирилица е група која ги спојува оние коишто мислат дека би било убаво кога имињата на нас Македонците на Facebook би ни биле напишани на кирилица.

За сите оние кои што користат Facebook и кои што сакаат нивното име да е напишано на кирилица истото можат да го сторат на следниов начин:

Ставате македонска кирилична подршка (унифонт) и одите --->

Settings ---> Name ---> Change ---> Name ---> Surname ---> на Кирилица

За оние коишто мислат дека доколку си го напишат името на кирилица оние нивни пријатели кои што немаат кирлична подршка на компјутер нема да можат да ги пронајдат има решение. Едноставно напишате си го алтернативното име на латиница и на тој начин ќе може да ве пронајдат без оглед дали при пребарувањето името ќе ви го напишат на кирилица или пак на латиница. Постапката е:

Full Alternate Name:
(optional) ---> Го ставате вашето име на латиница---> Change Alternative Name

Ако целиот Facebook ви е ставен на Македонски јазик постапката е следна:

Прилагодувања ---> Име ---> Промени ---> Име ---> Презиме ---> на Кирилица

Ако сакате да ве бараат на латиница и да ве најдат алтернативно име ке го напишете на латиница

Целосно резервно име:
((по избор)) ---> Го пишувате вашето име на латиница---> Изменете го алтернативното име.

За да ја видете групата кликнете овде