Збогум Блогерају

Си беше еднаш блог платформата Blog.com.mk, позната како Блогерај. На неа пишуваа многумина и тоа прилично често. Немаше ден, а на неа да не се испишат неколку илјадници или барем стотици коментари. Иако во тоа време го имав овој блог на Blogspot, на неа пишував и јас.

Ова беше мојот блог - i-macedonian.blog.com.mk.

На крајот од 2009 година и на почетокот на 2010 година, Блогерајот се пресели на нова адреса - Blog.mk, а со тоа се преселија и дел од блогови кои што беа на таа платформа, меѓу кои и јас - i-macedonian.blog.mk.

„Одиме на МК

По неколку месеци работа, со задоволство можеме да објавиме дека БЛОГЕРАЈ е подготвен да се пресели на нова платформа.

На www.blog.mk ве очекува чичка нов Блогерај (овој пат базиран на ВордПрес), кој се надеваме дека комплетно ќе ги задоволи вашите потреби.

Во меѓувреме www.blog.com.mk ќе го продолжи својот живот како архива, која ќе им биде достапна на сите за читање (и најавување на корисниците), на која нема да може да се објавува.

Одиме на blog.mk“, „Одиме на blog.mk“, 31 декември, 2009 - 18:21, Блогерај

Па сепак и покрај тоа што новиот Блогерај беше најавуван како технички далеку посупериорен од својот претходник, уште на почетокот се виде дека тој не успеа да им влезе под кожа на оние за кои што беше наменет. Честите падови на системот уште повеќе допринесоа за зголемување на носталгијата кај блогерите и нивното постепено напуштање на Blog.mk.

Самиот престанав да објавувам на blog.mk на 8 март 2011 година, а веќе две години воопшто не сум се логирал. Не бидејќи сум си ја заборавил лозинката, туку поради некакви, за мене непознати, технички проблеми кај самиот Блогерај.

Ако пред пет години, на стариот Блогерај секојдневно имаше неколку дузини блог написи, моменталната слика е оваа - последниот напис е од пред пет дена.

Само прашање на време беше кога ќе се случи неминовното:

„Почитувани корисници на blog.mk,

Ве информираме дека на 1.05.2014 година ќе престане да функционира сервисот blogeraj преку страната на www.on.net.mk .

Ви благодариме што бевте корисници на услугата и ве молиме да си ја преземете вашата архива од www.blog.mk, најдоцна до 30.04.2014 година.

Останете и натаму на www.on.net.mk

Срдечен поздрав,

ОНЕ Телекомуникациски услуги ДООЕЛ Скопје“, „Известување за корисниците на blog.mk“,  4 април 2014 - 21:23, On.net.mk

Сега проблемот е како да се спасат блоговите на авторите кои што објавувале само на Blog.mk, а не и на некоја друга платформа напоредно.

Дека нешто вакво може да се случи на некој начин предвидов уште на 22 јуни 2010 година, а доколку вие сте сопственик на блог на Блогерај, за тоа како можете да ги зачувате своите написи, прочитајте во третата точка од написот „Како да го осигурате вашиот блог“.

Најдобриот македонски блог за 2013 година е...

Прогласувањето на најдобрите македонски веб-сајтови, во изборот организиран од „Сајт на година“, се одржа на десетти овој месец. Во категоријата „најдобар блог“ за 2013 година избран беше сајтот karas4training.com

Но дали победничкиот сајт во оваа категорија е блог или пак нешто сосема друго? Ако сајтот се посети, уште на прв поглед би се увидело дека повеќе личи на портал одошто на блог.

Еве што луѓето од сајтот самите напишале во „За нас“:

„karas4training.com е симбиоза на веб-портал, социјална мрежа и блогирање...“ 

Да, овој сајт е веб-портал (и социјална мрежа). Она блогирање на крај не значи дека е блог, туку поскоро би значело дека е блог сервис.

Доколку од жирито на „Сајт на година“ сметаат дека и блог сервисите влегуваат во категоријата блог, тогаш тоа би значело дека во избор за најдобар блог во светски рамки, допуштен во конкуренција би бил и блог сервисот (на кој што блогирам) Blogspot.com (а на крај истиот и би победил).

Дека karas4training.com е типичен веб-портал, а не блог, покажува и тоа дека имаат поставено „порталски“ ценовник за реклами, дека зад сајтот не стои личност туку компанија[2], како и тоа дека имаат вработени лица[3].

Веб-сајт кој што воопшто не личи на блог (а на портал), чии што автори сами кажуваат дека не се работи за блог (а за некаков микс), зад кој што стои компанија (а не блогер) и за кој што има вработени лица, или скратено: веб-сајт кој што не е блог да победи во категоријата „најдобар блог“ е да не знае човек со која рака да се крсти.

За крај честитки до победниците.

[1] „Република.мк“ веб-сајт на годината за 2013

[2] „КОМСОФТ ДООЕЛ е сопственик на www.karas4training.com со седиште во Скопје на адреса...“ - услови.

[3] „Ниту КОМСОФТ ниту потенцијалните комапнии од други земји, ниту нашите вработени...“ - услови.

Види и:

• „Македонски блог за 2012 година“, Internet Macedonian, 17/12/2012

Internet Macedonian за најдобар блог

Зошто Internet Macedonian заслужува награда за „најдобар блог“ во проектот „Сајт на годината“: 

• Затоа што Internet Macedonian постои цели 5 години (од ноември 2008).
• Затоа што написи посветени на Internet Macedonian се објавени во медиуми како „Нова Македонија“ и „Македонска Нација“.
• Затоа што од основањето на блогот па до денес, на него се објавени околу 1170 написи.
• Затоа што во оваа 2013 година (до сега) на него се објавени околу 320 написи или во просек по 29 написи на месец (за 11-те месеци до сега).
• Затоа што моменталната статистика за блогот според Sitemeter е во просек 104 уникатни посетители (visits) на ден.

ТВ Ретро

Доколку имате носталгија по сериите кои што пред десет, дваесет и повеќе години се емитуваа на некоја од македонските телевизија (пред сè МТВ), блогот ТВ ретро (mtvretro.blogspot.com) е идеалното место за вас

На овој блог можете да ги погледнете сериите: Дајте музика, Комедијанти, Погрешно време, Големи и мали, Чудовишта од нашиот град, Македонски народни приказни, Булки крај шините, Белото Циганче, Опстанок, Бушава азбука, Наше маало, Салон Хармони и многу други.

Македонски модни блогери

Едно од најчесто поставуваните прашање при интервјуирање на личност која што се занимава со мода во Македонија е - колку Македонците ги следат најновите модни трендови. Па ако се суди според бројот на македонски модни блогови, Македонците речиси ништо друго не ги интересира повеќе од модата.

Македонските модни блогери се организирани во истоимената FB страница (Macedonian fashion bloggers; Македонски модни блогери), а во продолжение ви ја претставуваме целосната листа на нивните блогови:

http://amolusso.blogspot.com/
http://makedonskimodenblog.com/
http://darkbloomv.wordpress.com/
http://makeupandbeautymk.blogspot.com/
http://rosee96.blogspot.com/
http://insidethebworld.blogspot.com/
http://shybutsecretlyfab.blogspot.com/
http://angeladissected.blogspot.com/
http://mariosdesigns.blogspot.com/
http://aleksandrinavezilka.wordpress.com/
http://sekymorrison.blogspot.com/
http://besimplebehappyfashion.blogspot.com/
http://sarahsstuffs.blogspot.com/
http://youlen.wordpress.com/
http://alexandrainwonderland1.wordpress.com/
http://lextravagance.blogspot.com/
http://jzj-zlatko.blogspot.com/
http://citymoontonight.blogspot.com/
http://www.starduststain.com/
http://mimiinciarasworld2.wordpress.com/
http://lipsofurbancashmere.blogspot.com/
http://salvajeylibre8.wordpress.com/
http://www.simsworld.me/

Дополнително:

• Македонски модни блогери што ги следиме, Штипка

Чувството кога...

Чувството кога сте индиска блогерка, а вашиот блог го читаат и во Македонија - бесценето.

Имено, ова денеска (8 јуни 2013) го доживеа блогерката payal.k.

Во написот MACEDONIA! F..k yeah! објавен на нејзиниот блог The Floating Bed (kpayal.blogspot.com), во споделената Sitemeter статистиката за посети на блогот, се гледа дека меѓу другите има и 13 посети од Македонија.

Во истиот напис, блогерката payal.k саркастично вели дека токму затоа го обожава блогирањето, затоа што отсекогаш сакала некој што живее на место кое што звучи како „Македонија“ да ги чита глупостите кои што таа ги пишува.

Па мило ми е дека некој незнаен херој од Македонија успеал да ѝ ја исполни желбата :)

100 000 Page Views

Пред неколку минутки овој блог - I, Macedonian, беше отворен по 100 000ти пат (Page Views). Честито!

Сегашниот број на статии е 461 (без оваа), и има 59 000 посетители (visits).

Blogirame - месечна статистика

На почетокот на месец март (1-4) го пријавив I, Macedonian на блог агрегаторот Blogirame. Од тогаш па до денес (приближно месец дена) според статистиката на Blogger (месечна анализа), благодарение на Blogirame имам добиено вкупно 173 посетители. Не е ништо посебно, но воопшто не е лошо колку за почеток.

Во овој период (околу еден месец) на блогов објавив 35 (или 36) написи (вклучително и денешниот).

Не сум се занимавал со тоа да ги темпирам написите да се објавуваат во некое оптимално време, ниту пак сум ги користел опциите за гласање (ехо) на Blogirame.

Со оглед на ова јас сум задоволен од тоа како Blogirame функционира и според овој првичен показател се гледа дека во одредена мера ја исполнува својата намена за поголема читаност на македонските блогери.

Blogirame - македонски блог агрегатор

Во овој напис би сакал да го промовирам македонскиот блог агрегатор Blogirame.mk, кој што се надевам дека ќе придонесе за проширување на културата на блогирање во Македонија и за зголемување на читаноста на македонските блогери.

За овој нов македонски блог агрегатор разбрав пред неколку дена од авторот на блогот L'Art Pour L'Art, а колку што забележав за него прв известил блогерот Pipo:

Велат дека сонот кога тогаш се остварува ако искрено се верува во него… пред две години започнав со страницава со доза на скептицизам и неразбирање од блогерите за идејата и крајната цел и намена. Времето покажа дека бев во право… рамо до рамо ја протуркавме идејата со Краљ...

Туторијал за блог агрегаторот можете да најдете на блогот Аеродромски сон:

Односно нема многу да ве гњавам што и како, туку ќе ви кажам дека е тоа агрегатор на блогови, замислата е на едно место да ги имаме сите блогови, со цел полесно да се стигнува до тие содржини. Доколку сакате да го пријавите, пријавувањето оди лесно и едноставно потребно е да се даде меил за контакт и адресата на вашиот блог и нормално да се согласите со фамозниот блогерски манифест. Копчето доколку не сте го приметиле се наоѓа моментално долу лево на страницата...

Во моментов овој блог агрегатор обединува 172 блога, а нивниот број се очекува и понатаму да се расте.

Поводот ќе го искористам за да потсетам на еден постар македонскиот блог агрегатор - Macedonian Blogs, на кој што моментално се застапени 157 македонски блогови.

Исто така би ја спомнал и ранг листата Macedonian Top Blogs која брои околу 50 македонски блогови, како и агрегаторот на е-содржини, меѓу кои и блог написи - Ping.mk.

За жал веќе не постои блог агрегаторот Digimak, како и Mak Top Blogs.

*Двете слики се изработени од авторот на I,Macedonian со користење на постоечките логоа на блог агрегаторите.

Изработи банер за твојот блог

Не мал дел од македонските блогови (особено оние на Блогерај) па дури и некои од попознатите , визуелно изгледаат ептен конфекциски, неоригинално и темплејтот им е без никаква разлика од оној стандардниот.

Суштината односно она што е напишано на самиот блог е далеку поважно од тоа како еден блог би изгледал, но ако тој изгледа попрепознатливо и оригинално нема ништо да пречи, баш напротив. Важен е и првиот впечаток, а она што најпрво се забележува е изгледот.

За таа цел во наредните неколку поста ќе се обидам да прикажам неколку алатки и да дадам совети како вашиот блог да изгледа поубаво и препознатливо. Доколку и вие колеги блогери :p имате некои прашања или сугести со задоволство би помогнал.

Во овој пост за изработка на банери и копчиња за вашиот блог кои можат да ви послужат за размена со другите блогери или за поставување при регистрација на некој блог агрегатор. Доколку имате познавања од фотошоп и ја имате инсталирано програмата (или некоја друга слична) тогаш сè што ви треба е инспирација, но доколку немате, а сакате брзо и лесно да си изработите релативно добар банер или копче со кои ќе го разубавите вашиот блог, странава ќе ви заврши одлична работа Cooltext

Еве неколку копчиња (80 x 15 px) изработени токму на оваа страна:

По креирањето на банерчето/копчето единствено треба да го хостирате на некоја страница за бесплатен хостинг на слики и да си го поставите на вашиот блог.

Како да го избришете навбарот на блог на Blogger

Доколку блогирате на блог сервисот Blogger и не сакате најгоре да стои навбар (navbar) со што вашиот блог нема да изгледа толку конфекциски, овој блогпост е токму за вас.

За да го тргнете навбарот преку Dashbord одите на Design, а потоа на Edit HTML

Во HTML кодот на темплејтот на вашиот блог, над /* Variable definitions (релативно горе) го вметнувате следниот код:

 #navbar-iframe {
display: none !important;
}

По оваа постапка дел од HTML кодот за темплејтот под и над новопоставениот код, би требало да изгледа приближно вака

-----------------------------------------------
Blogger Template Style
Name: I Macedonian
Designer: xxxxxx
URL: I-Macedonian.blogspot.com
----------------------------------------------- */

#navbar-iframe {
display: none !important;
}

/* Variable definitions
====================

По зачувување на промените те кликање на Save template навбарот нема да биде видлив. Постапката е реверзибилна. Доколку посакате повторно на вашиот блог да има навбар, едноставно го бришете споменатиот код, зачувувате и навбарот повторно ќе биде видлив.

Инаку отстранувањето на навбарот не е во спротивност со правилата на Blogger, но не може да се каже дека го подржуваат.

Неколку факти за Picasa

Од разговор со блогери кои блогираат на Blogspot, заклучив дека малку од нив знаат дека всушност сликите кои ги ставаат во своите блогпостови се хостираат на Picasa.

Picasa е сервис за бесплатно поставување на слики, целосно интегиран со Google (воедно и Blogspot) па секој што има сметка на Google (и/или Blogspot) може да прикачува слики без да троши време за регистрација.

На Picasa вашите слики се подредени по албуми според тоа на кој од вашите блогови одредена слика е поставена (доколку имате повеќе блогови), а во секој албум се листани според хронолошки редослед.

При тргање на слика од блог, таа не се отстранува и од Нет те останува и понатаму на Picasa (освен ако не го бришете целиот блогпост и воедно изберете сликата да биде избришана). За една слика поставена на вашиот блог целосно да биде отстранета од Нет, треба истото да го направите преку Picasa. По избирањето на опцијата за бришење, сликата максимум за 24 часа ќе биде избришана.

Доколку сакате поголема прегледност можете да креирате нови албуми, можете сликите да ги разместувате по редослед според ваша желба или пак да ги префрлате од еден албум во друг. Доколку блогирате на Blogspot ова е директниот линк кој ќе ве одведе до албумите со вашите слики хостирани на Picasa LINK

Неколку факти за поставувањето на слики на Picasa соодветно на вашите блогови на Blogspot:

1. Еден корисник може да постави на Picasa слики со максимална вкупна зафатнина од 1024 MB. Оваа опција е бесплатна, доколку ги достигнете овие 1024 MB можете со доплата да добиете дополнителни MB за поставување на нови слики.

2. За успешно да поставите една слика на Picasa, истата не треба да биде поголема од 20MB и/или 50 мегапиксели.

3. Во еден албум можат да се складираат максимум 1000 слики. Доколку се работи за албум кој автоматски се креира за секој ваш нов блог, по исполнувањето на тие 1000 места се креира нов истоимен албум.

Како да го осигурате вашиот блог

Замислете си ја следнава ситуација: сте блогирале со години, имате илјадници квалитетни блогпостови во чие пишувaње сте вложиле и време и труд и еден ден го вклучувате вашиот компјутер и си го барате вашиот блог, но него го нема. Од блог сервисот поради техничка грешка ви го избришале.

Ова реално би можела да биде доста депресивна ситуација и многу труд да биде фрлен во неповрат, затоа вреди да си ги осигурате вашите блогпостови. Еве три едноставни методи, секоја со свои предности и маани.

1. Претплатување на постовите преку мејл.

Со овој метод секој нареден богпост што го објавувате на вашиот блог ќе ви пристигне како електронска порака. Има повеќе сервиси кои овозможуваат претплатување. Најпопуларен е Feedburner кој е интегриран со вашата Google сметка.

+ Наједноставен метод
- Порано или подоцна сандачето ќе ви се преполни

2. Едновремено да ги објавувате вашите блогпостови на две платформи.

За мене логичен избор би биле blogger поради брзото и едноставно прикачување на слики, огромниот избор од темплејти и македонскиот блогерај, не за друго туку затоа што е македонски.

Други, нешто помалку популарни меѓу Македонците се wordpress, opera, blogger.hr, сервисот за прикачување на документи Scribd...

+ Освен основната цел заштита на вашите постови, може и да добиете екстра посетители
- Одзема повеќе време за објавување и на двете платформи

3. Со повремено целосно download-ирање на вашиот блог.

Го имам испробано овој метод неколку пати на блог на blogspot и го презема целиот текст и темплејт без проблем, но не е таков случајот и со сликите. Некаде околу 3-4 % од сликите не се преземаат. Алатката која ја користв е Httrack

+ два клика работа и програмата сама си презема
- Треба периодично да се повторува и одзема интернет трафик

Ниту еден од овие методи во случај недај боже вашиот блог да биде избришан, нема да ви овозможи со еден клик да го вратите, туку ќе мора секој блогпост мануелно одново да го објавувате. Но барем материјалот од кој се изградени вашите блогпостови нема да биде неповратно изгубен и ќе ви биде достапен за повторно ставање на Нет.

Како да поставите аудио од YouTube клип

Доколку некогаш сте посакале во ваш блогпост да поставите само аудио (без видеото) од YouTube клип, овој туторијал е токму за вас.

Од YouTube клипот од којшто сакате да го поставите аудиото го копирате embed code-от.* Тој изгледа приближно вака:


<object height="344" width="424"><param name="movie" value="http://www.youtube.com/v/yNPjIAsVZno&hl=en_US&fs=1&rel=0&color1=0x5d1719&color2=0xcd311b"><param name="allowFullScreen" value="true"><param name="allowscriptaccess" value="always"><embed src="http://www.youtube.com/v/yNPjIAsVZno&hl=en_US&fs=1&rel=0&color1=0x5d1719&color2=0xcd311b" type="application/x-shockwave-flash" allowscriptaccess="always" allowfullscreen="true" height="344" width="424"></embed></object>

Доколку во вашиот блогпост го поставите кодот онаков каков што сте го копирале тогаш истиот ќе биде прикажан вака (т.е. ќе се гледа и видеото):



Но доколку во параметрот за височина на видеото односно height, бројот којшто стои таму го избришете и на негово место напишете "25" (height="344" > height="25)" т.е. во случајов:


<object height="25" width="424"><param name="movie" value="http://www.youtube.com/v/yNPjIAsVZno&hl=en_US&fs=1&rel=0&color1=0x5d1719&color2=0xcd311b"><param name="allowFullScreen" value="true"><param name="allowscriptaccess" value="always"><embed src="http://www.youtube.com/v/yNPjIAsVZno&hl=en_US&fs=1&rel=0&color1=0x5d1719&color2=0xcd311b" type="application/x-shockwave-flash" allowscriptaccess="always" allowfullscreen="true" height="25" width="424"></embed></object>

На вашиот блогпост ќе биде прикажана само лентата без видеото.



И кога вашите посетители ќе кликнат на PLAY ќе ја слушаат само музиката односно аудиото од клипот, без да се гледа видеото освен ако не кликнат на копчето за раширување на видиото на цел екран (второ од десно).

*се појавува откако ќе кликнете на копчето embed кое се наоѓа под клипот од десната страна.

При копирањето на кодот треба да се внимава да не е избрана опцијата за прикажување на рамка на видеото т.е. Show Border да не е штиклирано.

SEO совети за блогери

Проект на Global Voices Advocacyсо со едноставни совети како да го оптимизирате вашиот блог кај интернет пребарувачите и со тоа да го зголемите бројот на посети.

Кликнете ОВДЕ за да го преземете водичот

Оригинално објавено на Македонски Global Voices

Македонски блог директориуми

Во овој пост ви претставувам 6 македонски директориуми на блогови (два од нив и на сајтови) на кој што доколку сакате можете да ги пријавите вашите блогови и на тој начин да го подобрите вашиот Google page rank и да добиете дополнителна посетеност.

Macedonian Blogs

http://blogs-mk.blogspot.com/ е блог директриум на околу 120 македонски блогови на различни блог платформи. Можете да се регистрирате на него преку кликање на следниот линк http://blogs-mk.blogspot.com/2009/12/blog-post.html и следење на инструкциите на дното на на блогот. Одобрувањето е мануелно од сопственикот на блогот доколку се исполнети условите.

TopMKD

http://topmkd.com/ е директориум на македонски страници. Пријавувањето е едноставно. Откако ќе го внесете вашиот блог, име, URL, категорија и слика, вашиот блог автоматски веднаш се внесува во директориумот. За да бидете што повисоко листани треба да го преземете копчето да го поставите на вашиот блог и преку него да гласаат за вас. Колку повеќе уникатни влезни кликови има од вашиот блог до страницата толку повисоко се листате во листата на категоријата и генерално. Од една IP може да се гласа еднаш на 24 часа. Единствена маана е што сликите на кодот за копчето што треба да го поставите на вашиот блог се мртви, ама доколку малку се разбирате можете да го сменете URL-то за мртвата слика и на нејзино место да го ставите URL-то на сликата која што сум ја поставил на овој блог.

Macedonian Links

http://links-mk.blogspot.com/ е блог директориум на најдобрите македонски страници и блогови подредени по азбучен редослед. За да го пријавите вашиот блог кликнете на линкот и следете ги инструкциите http://links-mk.blogspot.com/2009/12/blog-post.html

Macedonian Top Blogs

http://maktopblogs.gotop100.com/ e блог директориум на околу 35 македонски блогови. Пријавувањето го вршите со внесување на податоците за вашиот блог. Листањето е според бројот на влезни кликови од вашиот блог до страницава. Гласањето е преку копче коешто го земате од вашиот кориснички панел откако ќе го пријавите вашиот блог. Доколку имате проблем можете да му пишете на уредникот

Digimak

http://blog.digimak.net/ е листа на околу 170 македонски блогови. Пријавувањето на вашиот блог на директориумот е преку праќање на електронска порака. Јас два три пати пратив порака за да го пријавам блогов но сè уште не сум добил позитивен одговор, па не би знаел кои се условите за одреден блог да биде внесен.

Macedonian Top Blog

http://www.alati.org/top/ e блог директориум на околу 40 македонски блогови. Пријавувањто е преку праќање на електронска порака до уредникот. Предуслов е вашиoт блог да е пријавен на технорати. Колку повеќе линкови има кон вашиот блог според технорати толку повисоко се листате. Пожелно е вашиот блог да има и сајтметер затоа што алтернативно може да се избере листање според број на посети.

Say: Macedonia

Say: Macedonia (http://say-macedonia.blogspot.com/) е најдобриот блог што до сега го имам видено а чијашто тема на обработка е Македонија и зачувувањето на името и идентитетот на Македонија. Или како што стои на самиот сајт: I am a Macedonian. My country's name is "Republic of Macedonia". It is a basic human right to choose a name for yourself and to express your nationality. Please respect that and call me by my name. Say: Macedonia!
Блогот е хостиран на Blogger, а постовите се на англиски јазик како би можеле и луѓе што незнаат за Македонија и никогаш не слушнале македонски јазик да се информираат за нашата земја. Изгледот е едноставен и безпрекорно направен. Навигацијата е лесна, а за секој оној комушто овој блог ќе му се допадне лесно може да најде банери и да ги постави на неговиот сајт/блог. Напишаното во блогот претставуваа пренос на факти за Македонија и се што е поврзано со неа а не на пусти желби и празни демагогии како во многу грчки блогови со слична тематика. Исто така во Say: Macedonia нема да сретнете содржина којашто поттикнува кон национализам, иридентизам и насилство. Блогот постои од 2006 година и редовно се обновува со нови постови.
Автор на блогот е Goodbytes. Освен Say: Macedonia други негови блогови се Panta Rei (http://mislam.blogspot.com/), Македонски народни песни (http://pesna.blogspot.com/) Video Macedonia (http://video-macedonia.blogspot.com/) и други. Инаку на интернет просторот нема многу вакви страни, па вреди да се посети.

Линк до Say: Macedonia

Сошиј копче!

Доколку ви се допаѓа блогов и сакате да ставите линк кон него на вашиот блог/сајт еве едно интересно копче. Известете ме како коментар и јас ќе ставам линк и кон вашиот блог/сајт. Може и замена само на линкови во пријатели, а може и замена на банери со големина 125x125

<a href="http://i-macedonian.blogspot.com/"title="I, Macedonian"><img src="http://3.bp.blogspot.com/_Z8Ay6gxUZ3o/Sb2Rl61UolI/AAAAAAAABqA/tnhuGxDwg_8/s200/I,+MACEDONIAN.gif" alt="I, Macedonian" border="0" /></a>

Quackit Tutorials Centricle
Копчиња за моите други страни



.

Contact / Контакт

Контакт со авторот на I,Macedonian можете да остварите на следната адреса:

Или можете вашата критика или сугестија, да ја оставете под овој или под соодветниот блогпост во форма на коментар.