Барајки грбови на Македонија на Нет, случајно налетав на грбот на сликата кој не е македонски, ама пак затоа на него има македонски амблем. Се работи за семеен грб на Д-р Роман - Канаѓанец кој нема поврзаност со Македонија.
Д-р Роман го избрал овој македонски симбол поради неговата љубов кон историјата и поради тоа што се вика Александар, а тоа име го носи и Александар Македонски - најпознатиот македонски крал и војсководец.
Интересно е што македонското сонце со 16 крака, познато и како сонце од Кутлеш (Вергина) е поставено на сина позадина (штит). Во првата половина на 90-те години од минатиот век, Грција ја уценуваше Македонија да се откаже од користењето на македонското 16-крако сонце како државно знаме, иако тоа беше поставено на црвена позадина (и видно различно од провинциското на грчка Македонија), а сега си ќути за грбот на Д-р Роман и покрај тоа што сонцето е поставен на сина позадина исто ко провинциското знаме на грчка Македонија.
Уште еднаш грчките двојни стандарди и лицемерие се гледаат на дело.
No comments:
Post a Comment