Од Полска со љубов

На денот на одбележувањето на почетокот од втората светска војна со навлегувањето на германската армија на полска територија, запознав едно другарче токму од таму - од Полска.

Низ неколкучасовен разговор со Jakub Zajac за мое зачудување заклучив дека е запознат со Македонија и се интересира за истата повеќе дури и од некои наши Македонци. И не само тоа туку има и дизајнирано негова интерпретација на грб на Македонија заснована на неколку македонски земски грбови. Колку од нас го имаме направено тоа?

Мене лично ми се допаѓа, а и сметам дека е хералдички правилен - златен исправен лав со раздвоена опашка на црвен штит.

За грбот Jakub вели дека ќе му биде чест доколку некој македонски висок функционер го види.

Можеби со прикажувањето на грбот на овој блог ниеден висок функционер нема да го види - си имат тие попаметни работи одошто да се секираат за грбови, макар и македонски. Но мене не тоа ми е поентата. Поентата не е ни грбот сам по себе, туку да се оддаде благодарност до него и сличните на него, како и ние Македонците да разбереме дека дел од луѓето надвор од Македонија се релативно запознати со нашата земја и свесни за нејзиното постоење.