Целосен успех со веб страната на израелското МНР

Во текот на вчерашниот ден добив известување од одделот за односи со јавност на министерството за надворешни работи на Израел и од нерезидентниот Амбасадорот на Израел за Македонија дека акронимот од привремената референца е тргнат од страната на израелското министерство за надворешни работи.

Во претходниот пост Ве информирав дека на сите места освен едно (и URL) кадешто стоеше акронимот од привремената референца тој е заменет со "Macedonia, Republic of".

Сега на сите места (вклучително и URL) стои кратко и јасно "Macedonia" (врска1, врска2):



Инаку проверив како била заведена Македонија во изминатите години и дојдов до заклучок дека на 1 мај 2007 (врска), Македонија била заведена под името "Macedonia", но до промена дошло некаде околу 6 октомври истата година.

И на 6 септември 2008 (врска), како и на 23 јануари 2009 (врска) Македонија продолжила да е заведена под акронимот, а така и останало се до преземање на иницијативата.

Уште една успешна дефиромизација. Благодарност до сите кои се потрудиле истата да стане реалност и благодарност до израелското министерство за разбирањето. Се надевам ова да инспирира некого за преземање на слични активности.