На 13-ти април???

Вчера (а трендот продолжува и денес) огромен дел од македонските медиуми направија иста грешка:

Дневник (01.05.2012, 14:46)

„На 13 април Велики четврток на брегот на езерото кај Смилковци свирепо беа убиени...“

DW (01.05.2012 )

„На 13. април на брегот на езерото кај Смиљковци свирепо беа убиени Кире Тричковски, Александар Наќевски, Филип Славковски и Цветанчо Ацевски на возраст од 18 до 20 години. “

Вест (01.05.2012, 14:12)

„На 13 април Велики четврток на брегот на езерото кај Смиљковци свирепо беа убиени...“

Aлфа (01 мај 2012, 14:21)

„На 13 април Велики четврток на брегот на езерото кај Смиљковци свирепо беа убиени...“

Press24 (1. мај 2012 - 15:53)

„На 13 април на Велики четврток на брегот на езерото кај селото Смиљковци свирепо беа убиени...“

Курир (01 Мај 2012 14:22)

„На 13 април на Велики четврток на брегот на езерото кај селото Смиљковци свирепо беа убиени...“

Вечер (02 мај 2012)

„На 13 април Велики четврток на брегот на езерото кај Смиљковци свирепо беа убиени...“

Sky (01 Мај 2012 13:00)

„На 13-ти април, Велики четврток кај езерото Смилковци беа убиени...“

...

За оние кои не увидоа во што се состои грешката да кажам дека се работи за погрешно наведениот датум. Петкратното убиство не се случи на 13-ти април, туку ден претходно, на 12-ти. Грешката најверојатно е настаната поради тоа што информацијата за убиството се рашири и за него повеќето разбравме токму на петок 13-ти.

За да не останат покусо оваа неточна информација ја пренеле и од Владата на Република Македонија на нивната Интернет страна (01.05.2012):

„На 13 април на Велики четврток на брегот на езерото кај Смиљковци свирепо беа убиени Кире Тричковски, Александар Наќевски, Филип Славковски и Цветанчо Ацевски на возраст од 18 до 20 години, како и Борче Стефановски (45) од скоспкото село Црешево. “

Некои од медиумите како на пример 24 Вести ја поправија (или ја избришаа) првично погрешно пренесената информација. Веројатно ова ќе го сторат и дел од горе споменатите медиуми.