Александар III Македонски е роден на дваесеттиот ден од месецот јули или според тогашниот календар на шестиот ден од месецот хекатом беом, што Македонците го викале лоос.
Истиот тој ден во Ефес, лудак го запалил Артемидиниот храм. Не случајно историчарот Хегесиј рекол дека храмот морал да изгори затоа што Артемида не била таму бидејки бабувала на Александровото раѓање. Подоцна по наредба на Александар храмот повторно бил изграден, и тоа толку убаво, со што се вброил во едно од седумте светски чуда на античкиот свет.
Маговите, кои тој ден биле во Ефес, пророкувале нова несреќа на Азија, велејки дека тој ден родил проклетство и голема несреќа. Нивното пророштво подоцна навистина се остварило со тоа што Александар станал нивен господар и покорил голем дел од Азија.
На Филип кој во тоа време ја освоил Потидеја, коринтска населба на полуостровот Халкидики, му пристигнале три вести. Првата вест била дека неговиот војсководач Парменион ги победил Илирите во крвава битка; Втората дека неговиот коњ победил на трката што се одржувала во Олимпија; А третата дека му се родил син, Александар. На Филип сите овие вести му причинувале задоволство и голема среќа, а со тоа што гаталците му пророкувале дека штом Александар се родил со три победи тој ќе биде непобедлив, тој особено се радувал...
Кликни овде за да ја прочиташ целата биографија
No comments:
Post a Comment