Македонскиот јазик претставува неоспорлив факт дури и за Бугарите

Постоењето на македонскиот јазик колку некој и да го негира, останува да биде неоспорлив факт.  И покрај тоа што голем дел од бугарските лингвисти го сметаат македонскиот јазик за дијалект на бугарскиот, а официјална Софија го деградираше во ништо повеќе од „уставен јазик на Република Македонија“ сепак повеќето од Бугарите се на јасно дека тоа е засебен јазик, иако сличен, сепак различен од бугарскиот.

Завчера на Телевизија Планета (Телевизия Планета) во интервју по повод раѓањето на неговиот втор син, бугарскиот пејач Борис Дали, индиректно го призна постоењето на македонскиот јазик. Имено тој во интервјуто истакна дека песната која што неодамна ја пеел на фестивал во Македонија била напишана на македонски јазик.


[Целосното интервју, за жал, сè уште не е достапно на Интернет]

Се надевам дека овој пример ќе го следат што поголем број на бугарски јавни личности, што би било во интерес за подобрување на односите меѓу двете држави и народи.

А за тоа дека во Македонија не постои антибугарско расположение, наспроти тврдењата на бугарскиот политички врв, говори тоа што оваа година поголем број на бугарски пејачи добија награди и признанија за учеството на македонски фолк фестивали.[1][2][3]

No comments: